blíðan

...og sumarið heldur áfram. Það er gott að vera í fríi heima hjá sér og slappa af og taka dagstúra hingað og þangað. Fara á ströndina, halda matarboð á veröndinni, buslupartý og
forafmælispartý. Fara í veislur, klæða sig upp hvort sem það er í grímubúning eða ballkjól, "andvarp". Og ævintýrið heldur áfram fullt af vinum og vandamönnum á næsta leyti og helstu áhyggjurnar snúast um að blíðan taki sér hvíld og rigningin leysi hana af....

...já og takk fyrir allar kveðjurnar, okkur finnst alltaf svo gaman að fá kveðjur!
....Hæ Siva vona að þú kíkir aftur á okkur, ertu kannski sjálf með heimasíðu?

Heiðardalurinn

Komin heim í heiðardalinn... þetta var frábært frí, við heimsóttum eftirtalda staði, fólk og dýr:
Kolmården dýragarðinn, þar sem við sáum górilluunga og fleiri dýr. Jönköping, þar sem við fórum á eldspýtusafnið, ekki mjög vinsæl hugmynd sem Valur lagði fram en safnið var ótrúlega áhugavert og gaman að skyggnast á bak við söguna á jafn sjálfssögðum hlut og eldspýtan er, svo var ekki verra að fá að gera sínar eigin eldspýtur, við börnin fyrigáfum Val því . Fórum svo til Lundar og nutum gestrisni Tobbu og Sveinbjarnar, við Tobba fórum á fornsölur og ég keypti dásamlega kitsh eftirlíkingu af rússneskum kirkjulampa, við fórum svo á hundaströndina í Malmö og svo auðvitað var haldin veisla og Þau skötuhjú voru ekki að láta það trufla sig að vera að fara til Íslands daginn eftir. Gautaborg var næst og það var rosalega gaman að hitta Sigfús og Rúnu, sem voru með okkur svo oft á Húsavík hér forðum. Lisebergtívolíið stóð fyrir sínu og eins Skara Sommarland og Astrid Lindgren värld í Vimmerby. Allt gekk ljómandi vel og setningin " ef þetta er ekki lífið, hvað er þetta þá" var oft sögð!

BÍldudalur

jaeja ferdalagid heldur afram. Erum nuna ad njota lifsins hja vinafolki i Gautaborg eda Billdal svo rett se sagt fra. Vedrid leikur vid okkur og gaerkvoldid var alveg frabaert thar sem vid satum ut a verond, godur hopur Islendinga sem hittist sidast allur a studentagordunum i Reykjavik, heimsvandamalin voru leyst, athyglisverdar pikublomasogur sagdar og kraesingar snaeddar. Strondin var vinsael i dag en fyrst eyddum vid klukkutima i bidrod i Liseberg tivoliid, snerum svo fra eftir ad vid frettum af slysi dagsins thar, 20 manns slasadir eftir arekstur einhverra lestarvagna. Aetlum samt ad storka orlogunum og fara aftur a morgun.

Kvoldid i kvold er ekki buid, strakarnir eru ad vaska upp, bornin ad horfa a latabae, husmodirin ad svaefa hana Elinu Móu 7 vikna og eg hangi i tolvunni a medan....se fram a eftirrett eftir ad bornin eru komin i svefn og an efa vitraenar og innihaldsrikar umraedur fram eftir nottu.......hmmm allavega skemmtilegar! Elska ad vera i frii og thurfa ekki ad horfa a klukkuna ne velta fyrir mer hvada dagur se i dag!

"mamma thetta er lífid"

Thad er búid aå vera rosagaman í útilegunni. Hvad getur madur annad sagt thegar frumburdurinn segir fullur hrifningar"mamma thetta er lifid" mikid lifandi skelfing er madur thakklatur ad geta veitt bornunum sinum sliik avinintyri ad thau brosa i hring. I gaer forum vid i dyragard og i frumskogargard. Forum a hofrungasyningu og eg veit ekki nema vid foreldrarnir hafi haft jafn gaman af thessu og bornin. Eg veit allavega ekki hvert eg aetladi ad fara thegar eg fann tarin sprautast i augun thegar hofrungarnir voru ad leika listir sinar. Thad ma nu alveg milli vera hversu vaemin eg get verid sko. Kongularnar, krokodilarnir og eiturslongurnar gerdu bornin tritilod ur hrifningu og hakarlarnir settu svo sannarlega punktinn yfir iid. Endudum svo frabaeran dag i kolmården med yatsíspili fram a nott. Hordur Breki vann.....nu erum vid komin til Lundar og thar er ekki donalegt ad vera....go´natt
Brynja og fylgifiskar

Útilegufólkið

Loksins erum við búin að kaupa okkur tjald og fylgihluti. Erum að drífa okkur í Svíþjóðartúr og kynnast landinu aðeins betur og þá sérstaklega út frá sjónarhorni barnanna. Ætlum að fara í dýragarði, sundgarði, Astrid Lindgren garðinn og vonandi heimsækja einhverja vini i leiðinni sem einhverra hluta vegna eru ótrúlega margir komnir til Svíþjóðar!

Blogga um túrinn þegar þar að kemur......
................Bless elskurnar mínar og já sjáumst um jólin á Akureyri

Kebnekasie

Lestarferð í 22 tíma, Lappland, Kiruna, Nikkaluokta, Lap Dånalds hamborgarar, ferjusigling, Kebnekasie fjällstation, Kebnekasie (2108 m), Tarfaladalurinn, þyrluflug, Þetta var einfaldlega alveg magnað....held að hér segi myndir meira en öll orð!

Naflastrengur

Komin enn á ný til Svíþjóðar og það var bara svo góð tilfinning að koma heim í bælið sitt. Að vísu var voða erfitt að kveðja fjölskylduna og vinina og ekki laust við nokkur tár féllu. En það voru líka ljúfsár tár, frábær mánuður sem við áttum á Íslandi. Við hittum svo marga vini og fjölskyldan var alltaf nálægt okkur. Eignuðumst minningar sem munu án efa hita okkur upp þegar haustar. Skrýtið samt að vera upplifa að naflastrengurinn heim er að breytast, hann er allt í einu orðin svo miklu lengri og sveigjanlegri en áður, ég meina Ísland verður alltaf Ísland og heldur áfram að vera þarna í norðri þ.e. ef við höldum ekki áfram að selja okkur áliðnaði og skammtímagróðamarkmiðum. "Andvarp" ég elska landið mitt og finnst dásamlegt að vera íslensk. Hinsvegar get ég verið svo íslensk allsstaðar í heiminum og það er á vissan hátt mjög frelsandi tilfinning.

Við komum beint í 25 stiga hita og hellirigningu en sluppum við þrumuveðrið, sem betur fer er sólin komin enda heiðrar hún Svía á Jónsmessu sem er stærri hátið en jólin og svo er náttúrlega Svíþjóð- Þýskaland að spila í dag. Við lepjum sólina og njótum þess að vera með tengdó í heimsókn....njótum þess að borða góðan mat og vera ákaflega heilsusamleg þar sem við erum að fara að leggja í hann á Kebne kaise á mánudaginn.....mikið rosalega hlakka ég til! Svo erum við nýbúin að kaupa okkur tjald og sjáum fram á að skoða heilmikið af Svíþjóð í sumar.

Hlakka til að hitta ykkur Tobbalilla og Sveinbjörn hvenær farið þið til Ísalands?

Árný því miður getum við ekki hitt ykkur á Ak í júlí en þið eruð alltaf velkomin til Örebro.

Fnaturinn minn æi já ég veit ég er ekki of dugleg að blogga en það er svona þegar það er sumar og sól, en ég reyni allavega að blogga 2 í mánuði!

hvað?

Hvað dreymdi þig í æsku?
Hvaða þrár hafðir þú í æsku?
Hvað langaði þig til að verða?
Hvað ertu?
Hvað viltu verða?
Hvað þráir þú?
Hvað dreymir þig?

Píkublóm og klakabönd

þvílík dýrðarinnar dásemd það er nú að vera á Íslandi og fá gott veður. Allt verður svo fallegt og góð lykt af öllu. Við höldum áfram að blómstra og hafa það huggulegt. Vikan var þó nokkuð annasöm þar sem píkublómin voru opinberuð í gær. Frábær dagur og opnunin gekk mjög vel, um 100 manns skrifuðu sig í gestabókina. Fólk var bara nokkuð ánægt með sýninguna, helmingurinn af málverkunum seld og píkublómin skjóta víða rótum. Arna Vals söng yndislega fyrir mig og gesti "dvel ég í draumahöll", "björt mey og hrein" og "fann ég á fjalli fallega steina" Dagrún spilaði undir á þríhorn. Frímann frændi spilaði á gítar og söng, m.a. "fjöllin hafa vakað í þúsund ár" mikið þótti mér vænt um það!
Það var svo gott að hitta allt þetta fólk í gær og finna fyrir einlægum áhuga á því sem ég er að gera . Kvöldið endaði ég svo umkringd vinkonum mínum, innblásnar af kvenlegum krafti sem svo sannarlega var ríkjandi í návist píkublómanna.

vei bloggleikur, hermiherm

Settu nafnið þitt í kommentakerfið og…
1. Ég segi þér eitthvað handahófskennt um þig.
2. Ég segi þér hvaða lag/mynd minnir mig á þig.
3. Ég segi þér hvaða bragð minnir mig á þig.
4. Ég segi þér fyrstu ljósu minninguna mína af þér.
5. Ég segi þér á hvaða dýr þú minnir mig.
6. Ég spyr þig að einhverju sem ég hef velt lengi fyrir mér um þig.
7. Ég segi þér hvaða frægu manneskju þú minnir mig á.
8. Ég segi þér hvaða drykkur þú ert.
9. Ég segi þér hvaða stað á Íslandi þú passar best við.
10. Ég segi þér hvaða morgunkorn þú ert.
11. Ég segi þér hvaða kvöldmatur þú ert.

Hundertwasser

Veðurfarið er alltaf svo skemmtilega fjölbreytt hér á fróni, árstíðir koma og fara með dagsmillibili og til að lifa af í þessu happdrætti árstíðna byggir maður upp spennublandna tilhlökkun dag hvern..hvaða árstíð skyldi vera á morgun? Það er búið að vera sumar í dag og undanfarna daga og vísbendingar gefnar um að það sé áframhaldandi, sem sé sumar sem staldrar við! Gott. Við blómstrum og vöxum um leið hér heima....búin að fara í 7 matarboð á 10 dögum og þess á milli þarf að vinna upp tap á ýmsum íslenskum fæðuvörum sem ekki finnast í Svíþjóð. En þetta er magnað, mér finnst gaman að vera boðin í mat, sitja frameftir kvöldi, borða, eiga góðar samræður og síðast en ekki síst hlæja og vera svolítið rómantískur um leið. Börnin njóta þess að vera með eða í pössun eftir eðli matarboða....það besta er að það sér enn ekki fyrir endann á þessu og það er víst að við munum njóta þessa á meðan er.

Valur fór austur í dag og byrjaði að lækna sjúka, ég útbýti boðskortum á Píkublómin og klakaböndin og nýt þess að vera með krökkunum.

Börnin eru sofnuð og ég er á leiðinni að fara að lesa í bókinni sem ég fékk í forafmælisgjöf í dag, takk Ingveldur mín! Hundertwasser listmálari er minn félagsskapur í kvöld og ég er eiginlega pínu fegin að vera bara "heima" í kvöld....nýt þess þá bara betur þegar okkur verður boðið næst í mat.
En nú kem ég Hundertwasser minn.

ps: takk Ragna og Zippo fyrir alla fimm réttina í gær og síðast en ekki síst fyrir félagsskapinn!