Naflastrengur

Komin enn á ný til Svíþjóðar og það var bara svo góð tilfinning að koma heim í bælið sitt. Að vísu var voða erfitt að kveðja fjölskylduna og vinina og ekki laust við nokkur tár féllu. En það voru líka ljúfsár tár, frábær mánuður sem við áttum á Íslandi. Við hittum svo marga vini og fjölskyldan var alltaf nálægt okkur. Eignuðumst minningar sem munu án efa hita okkur upp þegar haustar. Skrýtið samt að vera upplifa að naflastrengurinn heim er að breytast, hann er allt í einu orðin svo miklu lengri og sveigjanlegri en áður, ég meina Ísland verður alltaf Ísland og heldur áfram að vera þarna í norðri þ.e. ef við höldum ekki áfram að selja okkur áliðnaði og skammtímagróðamarkmiðum. "Andvarp" ég elska landið mitt og finnst dásamlegt að vera íslensk. Hinsvegar get ég verið svo íslensk allsstaðar í heiminum og það er á vissan hátt mjög frelsandi tilfinning.

Við komum beint í 25 stiga hita og hellirigningu en sluppum við þrumuveðrið, sem betur fer er sólin komin enda heiðrar hún Svía á Jónsmessu sem er stærri hátið en jólin og svo er náttúrlega Svíþjóð- Þýskaland að spila í dag. Við lepjum sólina og njótum þess að vera með tengdó í heimsókn....njótum þess að borða góðan mat og vera ákaflega heilsusamleg þar sem við erum að fara að leggja í hann á Kebne kaise á mánudaginn.....mikið rosalega hlakka ég til! Svo erum við nýbúin að kaupa okkur tjald og sjáum fram á að skoða heilmikið af Svíþjóð í sumar.

Hlakka til að hitta ykkur Tobbalilla og Sveinbjörn hvenær farið þið til Ísalands?

Árný því miður getum við ekki hitt ykkur á Ak í júlí en þið eruð alltaf velkomin til Örebro.

Fnaturinn minn æi já ég veit ég er ekki of dugleg að blogga en það er svona þegar það er sumar og sól, en ég reyni allavega að blogga 2 í mánuði!

hvað?

Hvað dreymdi þig í æsku?
Hvaða þrár hafðir þú í æsku?
Hvað langaði þig til að verða?
Hvað ertu?
Hvað viltu verða?
Hvað þráir þú?
Hvað dreymir þig?

Píkublóm og klakabönd

þvílík dýrðarinnar dásemd það er nú að vera á Íslandi og fá gott veður. Allt verður svo fallegt og góð lykt af öllu. Við höldum áfram að blómstra og hafa það huggulegt. Vikan var þó nokkuð annasöm þar sem píkublómin voru opinberuð í gær. Frábær dagur og opnunin gekk mjög vel, um 100 manns skrifuðu sig í gestabókina. Fólk var bara nokkuð ánægt með sýninguna, helmingurinn af málverkunum seld og píkublómin skjóta víða rótum. Arna Vals söng yndislega fyrir mig og gesti "dvel ég í draumahöll", "björt mey og hrein" og "fann ég á fjalli fallega steina" Dagrún spilaði undir á þríhorn. Frímann frændi spilaði á gítar og söng, m.a. "fjöllin hafa vakað í þúsund ár" mikið þótti mér vænt um það!
Það var svo gott að hitta allt þetta fólk í gær og finna fyrir einlægum áhuga á því sem ég er að gera . Kvöldið endaði ég svo umkringd vinkonum mínum, innblásnar af kvenlegum krafti sem svo sannarlega var ríkjandi í návist píkublómanna.

vei bloggleikur, hermiherm

Settu nafnið þitt í kommentakerfið og…
1. Ég segi þér eitthvað handahófskennt um þig.
2. Ég segi þér hvaða lag/mynd minnir mig á þig.
3. Ég segi þér hvaða bragð minnir mig á þig.
4. Ég segi þér fyrstu ljósu minninguna mína af þér.
5. Ég segi þér á hvaða dýr þú minnir mig.
6. Ég spyr þig að einhverju sem ég hef velt lengi fyrir mér um þig.
7. Ég segi þér hvaða frægu manneskju þú minnir mig á.
8. Ég segi þér hvaða drykkur þú ert.
9. Ég segi þér hvaða stað á Íslandi þú passar best við.
10. Ég segi þér hvaða morgunkorn þú ert.
11. Ég segi þér hvaða kvöldmatur þú ert.

Hundertwasser

Veðurfarið er alltaf svo skemmtilega fjölbreytt hér á fróni, árstíðir koma og fara með dagsmillibili og til að lifa af í þessu happdrætti árstíðna byggir maður upp spennublandna tilhlökkun dag hvern..hvaða árstíð skyldi vera á morgun? Það er búið að vera sumar í dag og undanfarna daga og vísbendingar gefnar um að það sé áframhaldandi, sem sé sumar sem staldrar við! Gott. Við blómstrum og vöxum um leið hér heima....búin að fara í 7 matarboð á 10 dögum og þess á milli þarf að vinna upp tap á ýmsum íslenskum fæðuvörum sem ekki finnast í Svíþjóð. En þetta er magnað, mér finnst gaman að vera boðin í mat, sitja frameftir kvöldi, borða, eiga góðar samræður og síðast en ekki síst hlæja og vera svolítið rómantískur um leið. Börnin njóta þess að vera með eða í pössun eftir eðli matarboða....það besta er að það sér enn ekki fyrir endann á þessu og það er víst að við munum njóta þessa á meðan er.

Valur fór austur í dag og byrjaði að lækna sjúka, ég útbýti boðskortum á Píkublómin og klakaböndin og nýt þess að vera með krökkunum.

Börnin eru sofnuð og ég er á leiðinni að fara að lesa í bókinni sem ég fékk í forafmælisgjöf í dag, takk Ingveldur mín! Hundertwasser listmálari er minn félagsskapur í kvöld og ég er eiginlega pínu fegin að vera bara "heima" í kvöld....nýt þess þá bara betur þegar okkur verður boðið næst í mat.
En nú kem ég Hundertwasser minn.

ps: takk Ragna og Zippo fyrir alla fimm réttina í gær og síðast en ekki síst fyrir félagsskapinn!

Island-Ísland

Hej vad härligt det är att vara här på Island, Akureyri. Förstås saknar jag er men jag vet och är säker på att ni kommer hit en dag och har det mysigt med mig. Vi njuter att vara med familjen, vänner och äta isländsk mat, fisk och ¨skyr". Vädret var hemskt när vi kom hit, snö och vind men nu skiner solen och vi är duktiga att besöka simmhallen (inte svimmhallen) och vi har redan vandrat på Súlur vilket är Akureyris mest berömda berg
1213 m. Det var underbart! Min utställning börjar snart och som ni vet både oroar jag mig och ser fram emot den, ville bara önska att ni kunde var här hos mig och "beundra" min konst! Ha det så bra vi ses om några veckor.

Það er gott að vera komin á Akureyri, svo stutt síðan við vorum hér síðast en samt svo langt líka. Nokkrar byggingingar hafa bæst við en annars er eins og tíminn hafi staðið í stað...auðvitað... bjóst maður við einhverju öðru? Lentum í maíhreti aldarinnar og það óneitanlega lamaði okkur um stund, engin stígvél með í för en sem betur fer þá er sólin farin að skína og Akureyri er orðin söm við sig og vonandi fuglalífið um leið. Gengum á Súlur á laugardaginn, það var frábært, veðrið með besta móti, logn á leiðinni og ágætis yfirsýn á Akureyri, fjallasýnin var svo sem ekki til að hrópa húrra fyrir en vonandi náum við henni þegar við þrömmum Kaldbak. Ætla að minna minn heitelskaða á að bera á sig sólvörn þá en hann gleymdi því á laugardeginum og er búin að þjást af rauðmagasyndróminu síðan.

Erum umvafin fólkinu okkar og það er svo gott, börnin elska að vera hér og sonur okkar sést varla svo önnum kafinn er hann við að vera með vinum sínum.

Vona að ég hitti ykkur öll síminn minn er 8610035

brunahani

....já og nú er föstudagur og Svíar í sjokki yfir kynlífsásökunum Silvíu Night á hendur Carólu. Missti af júrívisjón í gær þar sem það voru skólaslit og veisluhöld í skólanum mínum. Allir náðu að slaka vel á og það var dansað í eldhúsinu og þaki skólans. Ég er búin að kenna Svíum að segja skál á íslensku og því ómaði "brunahani" lengi frameftir kveldi. Annars er ég voða ánægð með að vera búin að fá styrk til að fara á þriðja árið í skólanum en sá styrkur er veittur einum nemanda ár hvert, fæ góða vinnuaðstöðu, aðgang að kennurum, frjálsræði og umfram allt þarf ekki að borga skólagjöldin sem annars létta pyngjuna verulega.

Við erum svo bara að fara að setja okkur í stellingar fyrir Ísland þar sem á að snjóa um helgina en isspiss við tökum bara úlpurnar með okkur. Hllökkum til að drekka íslenskt vatn, fara í heita sundlaug, borða skyr, nóakropp og fisk svo ekki sé talað um að hitta ykkur öll!

ps: munið að taka frá 9. júní en þá opnar myndlistarsýningin píkublóm og klakabönd í Populus tremula, kjallara listasafnsins á Akureyri, klukkan 20:00
og þið eruð að sjálfssögðu boðin

...á morgun er mánudagur, svo kemur þriðjudagskömminn og svei mér þá næst er miðvikudagur. Skrýtið en eftir viku verð ég að pakka svona uþb. 20 skópörum ofan í tösku til að hafa með mér til ættjarðarinnar. Annars er þetta búið að vera frábær vika í veðurblíðunni. Ég er búin að vera í "landart" kúrsi, með frábæran kennara frá USA og er búin að búa til stórt vögguhreiður í einum af skógum Svíþjóðar. Ber stolt þess merki eftir samskipti mín við ýmsar skordýrategundir og hvassar greinar. Fýlaði það í botn að vera út í skógi og höggva greinar og vera drullug, svona "moka skít I love it" tilfinning. Ég fór líka með píkublómin mín í göngutúr í náttúrunni og þau frískuðust öll upp, fínt að punta sig svolítið fyrir sýninguna á Íslandi. Annars er helgin búin að vera mjög góð, eyddum henni í félagsskap tandúríkjúklings, mocchitos, starwars, barbísundlaugar, vinum stórum og smáum.

En elskurnar mínar, sjáumst svo bara í næstu viku
knúsirús

Jæja nú er ég búin í baði, orðin ung aftur í kroppnum!
En París já hún var yndisleg, læt fylgja með myndir því til sönnunar, er hinsvegar enn að jafna mig á vonbrigðunum að stór hluti af myndunum mínum eyðilagðist og þar á meðal allar af mér og Rósu og kærastanum hennar, held þetta sé reyndar viðleitni myndavélarinnar minnar að hvetja okkur til að hittast fljótlega aftur. Ég er sem sé sannfærð um að orsök myndahvarfsins liggi í tæknilegum mistökum minnar ástkæru myndavélar neita að gefa því séns að um mannleg mistök séu að ræða. Þessar myndir eru héðan og þaðan, allt frá erótískum formum úr náttúrunni, krossum, gömlum konum, safnaferðum, háskólaheimsóknum upp í notalegar kaffihúsaheimsóknir.

Eftir París tók við undirbúningur samsýningar skólans, sýningin er sett upp í slotti Örebroar í skemmtilegum sal, háum til lofts, útskotum og bogadregnum rýmum. Ég sýni ljósmynda- og collageseríu sem ég kalla "nordisk rum/familjeporträtt". Opnunin tókst vel, troðfullt sem þýðir að flestir koma vonandi aftur til að geta virt sýninguna almennilega fyrir sér. Við fjölskyldan fórum svo út að borða á eftir og svo fór ég á "fest" með samnemendum mínum undir berum himni í hitanum. Það var yndislegt og við dönsuðum salsa á milli þess sem ég bjó til einhvern ákaflega athyglisverðan hringdans og sannfærði alla um að þetta væri "tradition" á Íslandi, mér fannst ég fyndin en lifði mig vel inn í hlutverkið að kenna dans sem var spunninn á staðnum. Svo var farið í bæinn á BaBar. Ég fékk far á gömlu reiðhjóli með þessum fína bögglabera, það var svo gaman og eins og að ferðast tilbaka í tíma. Babar dró mann aftur til samtímans og við drukkum öl og mocchitos og dönsuðum að sjálfssögðu fram á rauða nótt.

Við erum svo búin að eiga frábæra helgi það er búið að vera 25 stiga hiti og sól. Við erum búin að liggja í sólbaði gróðursetja sumarblóm, borða úti og grilla auðvitað á milli þess sem við förum og kíkjum á draslhauginn sem er á götuhorninu hérna, en það er semsé vorhreingerning og allir safna drasli í haug og skapa vinnu fyrir ræstitækna bæjarins. Við erum búin að finna og eigna okkur eftirtalda fjársjóði

Rauður tréstóll sem er nýttur sem blómastandur, stendur úti skreyttur mislitum sumarblómum
Barnakerra í fínu lagi fyrir gesti sem koma með lítil börn í heimsókn og fyrir Dagrúnu þegar henni verður "illt" í fótunum, tja og líka til að hafa með í búðina þegar maður fer labbandi fyrir vörurnar
Furuhilla með smíðajárnsuppsetningu sem er nýtt sem kryddhilla á veröndinni
Dúkkuföt, notagildi skýrir sig sjálft
Postulínslampi með blámáluðu mynstri, dásamlega kitchí
Bastkörfur sem hlúa að blómunum mínum og eiga án efa eftir að nýtast sem dúkkurúm líka
Vatnsbyssa, kóróna, töfrasproti, 2 bakpokar........to be continued

Mér finnst svo gaman að skoða drasl, viðurkenni það bara. Það er svo gaman að sjá notagildi í hlutum sem eru hættir að nýtast öðrum, breyta þeim og setja í önnur samhengi en þeir eru vanir, hmmm já ég ætla að fela mig á bak við það að segja að þetta sé list og ekkert annað!

un petit peu

Var að skríða inn úr dyrunum, búin að vera í rútu í sólarhring. Keyrði í gegnum Belgíu, Þýskaland Danmörku og Sviþjóð og sit nú og býð eftir að baðið fyllist af heitu vatni sem á að skola af mér svitann og liðka beinin eftir að hafa verið í fósturstellingunni síðasta sólarhringinn. EN það var alveg þess virði, París er yndisleg borg og ótrúlega rómantísk. Ég skoðaði mikið af list, sá gömul meistaraverk og spennandi samtímalist sem gefur manni heilmikinn innblástur svo ég tali ekki bara um París sjálfa og allt það líf sem hrærist þar. Ég borðaði mikið af góðum mat, drakk hvítvín og rauðvín með. Hitti Rósu vinkonu mína og kærastann hennar Marvan, átti frábærar stundir með henni og lýst mjög vel á kærastann, ljúfur og mjög skotinn í Rósu. Það var erfitt að kveðja hana, það var svo gott að hitta íslenska vinkonu sem er búin að þekkja mig lengi, skældi svolítið þegar ég kvaddi hana! Það var skrýtið að vera með Svíum í útlöndum, þeir voru líka útlendingar eins og ég en æi hvað það er nú allt "jobbigt" hjá þeim greyjunum....ósköp gott fólk Svíar en þeir gleyma stundum að njóta augnabliksins og slaka á. En nú er baðið tilbúið set inn myndir seinna
au revoir
Brynja

vaxandi grasgraena

Thad er svo merkilegt hvad tíminn lídur hratt en meginástaedan liggur í ad thad er gaman. Noregur og öll thau aevintyri sem maettu okkar thar hristu ur okkur vetrardvalann. Mikid var yndislegt ad hitta fjolskyldu og vini. Fjoruferd, fjallaklifur, kadlasprang, pylsugrillun og páskaeggjaát einkenndu frídagana fyrir utan thad sem ekki er ritfaert, vísbendingar......umferdakeilur og stódhestar.

Til marks um vorgledina hér hjá okkur i Örebro hefur ekki verid horft a sjonvarpid i tvo daga og á mínu heimili telst thad til personulegra meta. Í gaer voru börnin hjá vinum sínum, hoppudu sig úrvinda á trampolíi og nutu sólarinnar og vaxandi grasgraenu.

En nú er ég farin til Parísar.............c´est la vie

frettir af Noregi

Noregur er gott land thratt fyrir bomsinn og ad thad kostar ad fara a klosettid. Fallegt landslag og vorid vel a veg komid. Hedvig gamla var virkilega hress, tho hun se ekki ordin 100 ara eins og hun helt fram vid forvitin bornin okkar, Elisabet og Bjorn eru liklega enn ad jafna sig fra innrasinni fra Islandi en akaflega satt vid hana, brodir minn er mjog flottur med skegg, Einar Orri er sjarmur og orkubolti, Alis er otrulega god mamma og flott stelpa og Vigga er alltaf jafn skemmtileg og gerir bestu sveppasosuna. Mikid er eg nu glod ad bornin min eru nu buin ad atta sig a norskum uppruna mommunar og um leid sínum eigin.

Maggi eg sleppti thvi ad kveikja i trefjaverksmidjunni en ulladi a hana i stadinn med verstu kvedjum fra ther. Fanney eg gaeti hugsanlega skrifad eina "rauda" eldheita astarsogu tilleinkadri ther, a ljod i forum minum sem fjallar um eldheitt astarsamband mitt vid Jokul, samt ekki viss um hvort haegt se ad lysa honum sem havoxnum, vel kyldum med krullud augnhar.....og ja thetta yndislega rymi sem madur endurheimtir ad hluta til her i Stavanger...mikid vodalega var gaman ad sja sjoinn aftur og svo eg monti mig adeins, taka skokkid medfram strandlengjunni i morgun. Nu erum vid ad bua bornin i svefn, midnaetursnarlid verda nyjar raekjur fra Stavanger, sitronur og ekta majones, drukkid med ljuffengu hvitvini i felagsskap sem gefur fyrirheit um ogleymanlegt kvold.

Rómantík og páskaegg

kæra dagbók!
það er stutt þangað til við förum heim. Mikið verður nú gaman að sjá íslenskt landslag og fjöllin aftur. Stundum dreymir mig þau og einhverra hluta vegna alltaf í ljósaskiptunum, þannig að þau eru virkilega blá, græn og hvít og birtan svo mild og hrein..... greinilega komin tími á að kíkja á þau. Ég er orðin eins og skáldin forðum, sé allt í rómantískum blæ og búin að gleyma grámyglulegum rigningar og súldar dögum, tja svei mér þá ef mér finnst þeir ekki bara líka pínu rómantískir....Merkilegt hvernig ég líka upplifi rýmið öðruvísi þegar ég er í burtu frá heimahögum og kann betur að meta allt þetta rými sem við höfum heima. Geta andað djúpt og séð til allra átta og víðátta, einhversskonar tærleiki sem ég hef enn ekki upplifað hér í náttúrunni, spurning hvort Kebnekaise breyti því?

Málverkin mín bera keim af þessari rómantík, eiga tilvitnun í ís, tærleika og bjarta heima eins klisjukennt og það nú hljómar. Vil samt ekki trúa því að málverkin mín séu klisjukennd heldur frekar nokkuð áhugaverð. Ég get allavega sagt að það hefur verið yndislegt að vinna þau og vera hluti af þessum heimum með öllu því sem leynist í þeim.. vona að þú haldir ekki að ég sé komin með alvarlega veruleikatruflun, heldur einmitt skiljir að þetta er mín hugleiðsla.

En að hversdagslegri hlutum, erum núna að búa okkur undir ferðalag, ætlum sem sé að keyra til Noregs í kvöld.. Heimsækja bróður minn og fjölskyldu og kíkja á nokkra norska ættingja í leiðinni, Elísabetu og Hedvig gömlu sem hafa aldrei séð börnin okkar. Förum svo á þriðjudag, miðvikudag til Stavanger, til Orra og Þóru og verðum þar án efa í í lúxuslífi, fáum t.d. ferskar rækjur, slurp og ekki skaðar að mig grunar að Frosti og maðurinn hans Palli komi með páskaegg handa okkur. það verður svo nóg að gera. Því þegar við komum heim frá Noregi fer ég 3. dögum seinna til Parísar með skólanum mínum og þegar ég er komin þaðan eru bara 3 vikur í bláu fjöllin og fólkið mitt..
Gleðilega páska!
Þín Brynja

snjóanda

Sunnudagur 2. apríl 2006

kæra dagbók!
Við sváfum frameftir, alveg til níu. Þá blessaði sjónvarpið börnin með stríðshetjum og kærleiksbjörnum. Foreldrarnir kúrðu og voru móðgaðir við veðrið. Það sem sé SNJÓAÐI í morgun. Áttuðum okkur svo á því að allt hefur sinn tilgang. Jú þarna var gefinn síðasti séns á að leika sér almennilega í snjónum....eftir grautarspón og mátulega morgunfýlu drifum við okkur út og viðruðum fýluna úr okkur með snjóhúsa- og snjóandagerð (skemmtilegt orð "snjóanda"). Héldum svo kakó- og snúða boð með kertaljósum í félagsskap góðra anda.
þín Brynja

þakklæti

ég er þakklát fyrir svo margt

foreldra mína sem ólu mig upp í návist fjalla, fjöru og hafs
systur mína sem hefur vit fyrir mér og er mín fyrirmynd í svo mörgu
bróður minn sem tekur mér eins og ég er
tengdaforeldra mína sem eru alltaf til staðar
manninn minn sem styður mig í öllu því sem ég tek mér fyrir hendur
börnin mín sem gleðja mig og gera lífið svo dýrmætt
ömmur mínar sem kenndu mér svo margt
ættingja mína og tengdafólk sem gleðjast með okkur á góðum stundum
vini mína sem ég treysti og dái
vini mína sem ég get hlegið endalaust með
vini mína sem koma mér alltaf á óvart
vini mína sem hlusta á mig
vini mína sem virða mig
vini mína sem styðja mig þegar ég þarf á þeim að halda
listina sem litar hversdagsleikann hvern dag
vorið sem fyllir mig bjartsýni
hugmyndarflugið sem hjálpar mér að fljúga í draumum og þegar ég hjóla í pollum

en mest af öllu er ég þakklát þessa stundina að Dagrúnu sé bötnuð flensan og að hún var bara með streptókokka en ekki heilahimnubólgu eins og viðkvæmt móðurhjartað hélt í hita veikindanna

Tvöföld skilaboð

Píka

Blygðun, budda, burðarliður, físa, fuð, fæðingarstaður, gaman, gás, gæs, kráka, kunta, kússa, kvensköp, láfa, leika, ónefna, píka, pjatla, pjása, pulla, pussa, runta, skauð, skeið, skuð, skömm, sneypa, snýta, tuðra, tussa.

Kona

Beðja, blómarós, dama, drós, feima, fljóð, frú, hrund, kvenmaður, man, selja, snót, sprund, svanni, víf.

Stelpa

Dugga, físa, gella, pía, píka, pjása, pæja, skutla, skvísa, hnáta, stúlka, táta, telpa

Stelpufála, stelpuflenna, stelpugála, stelpuglenna, stelpuglyðra, stelpugopi, stelpugægsni, stelpuhnáta, stelpuhnoðri, stelpuhnokki, stelpuhnyðra, stelpukorn, stelpukrýli, stelpurófa, stelpuskinn, stelpustýri, stelpuskott.

Stúlka

Mey, mær, snót, ungmey, ungmær, yngismey.

Stemmingin í Lundi

Stemmingin í Lundi, Dalby, Kaupmannahöfn var yndisleg. Börnin skemmtu sér og léku sér svo fallega saman ja svona eins og mömmurnar og pabbarnir gerðu líka. Met voru slegin í eldamennsku og ég held að aldrei hafi íslenska lambalærið verið eins ljúffengt, sporðrennt með mesta meðlætinu sem líklega finnst, nefnilega vináttunni og ástinni. Það er svei mér þá eins og maður hafi hreinsast af illum öndum í þessu ferðalagi, vorskapið er komið og þessi yndislega bjartsýni sem fylgir því.