Við áttum gleðilega hátíð og nutum þess að eiga heima á Íslandi á ný, merkilegt nokk þá gleymdum við samt ora grænu baununum með hangikjötinu þetta árið en það var ekki lítið lagt á sig að fá þessi ósköp send til Svíþjóðar þegar jólin nálguðust. Jólin voru hefðbundin hlaðin mat, svefni, spilum, vina og fjölskyldufundum.
Árið 2009 var kvatt með sátt og þakklæti. Það var annasamt, viðburðarríkt og vissulega farsælt. Nýja árið 2010 ber með sér rósemi, svona slétt og felld tala. Það er lofandi og stillan í því vel þegin með von um kraftmikla takta inn á milli.
Fyrsta hughrifning ársins 2010 var á myndinni "Mamma Gógó" Ég hef aldrei áður hrifist eins mikið af leik nokkurs íslensks leikara, Kristbjörg Kjeld var stórkostleg og tókst að fylla mig angurværri gleði sem situr eiginlega enn í mér. Þetta var góð bíóferð ekki bara vegna myndarinnar heldur líka vegna áhorfendanna. Það var fallegt að fylgjast með gamla manninum sem var greinilega einn og rölti um í hléi, klikk, klakk, klikk, klakk enn með mannbroddanna á sér og með röndótt bindi. Ekki síðra var að fylgjast með gömlum hjónum sem leiddust og konan var sparibúin í rauðri peysu með glitsteinum en karlinn í grænni úlpu með loðkanti. Þetta fólk gerði þessa bíóferð að einhverju svo miklu meira því það greinilega leit ekki á bíóferð sem hversdagslegan atburð.
Ég man einmitt þegar ég sá E.T. í bíó, það var sko ekki hverdagslegt og ég grét í fyrsta skipti í bíó.
Vinnan fer ljúfum höndum um mig og það er gott að vera hluti af hópi fólks á ný sem keppist að sameiginlegum markmiðum og skipuleggur þorrablót til að efla liðsandann. Háskólinn á Akureyri er líflegur og það á vel við mig.
Gleðilegt nýtt ár kæri bloggvinur, viltu vera svo vænn að kvitta fyrir þig, ég þarf að vita hvort einhver les bloggin mín ennþá.
Aðfangadagskvöld
og þau elska ég mest
Með krullupinna í hárinu
Við systur á áramótunum
21 comments:
Ég les enn hjá þér elskan mín :-) er bara sjálf hundlöt að blogga eiginlega alveg komin á facebook. Var að koma úr ræktinni gott að taka á því ætla að gera vel við mig sjálfa á þessu ári. Veit ekki með norðurferð ennþá treysti mér ekki að keyra ein á milli ef það er hálka og snjór og Ingó er voðalega mikið upptekin um helgar á næstunni. En við sjáum hvað setur. Knús á þig
Takk fyrir mig Brynja mín, ég lít alltaf inn í von um fallegan texta frá þér og það brást ekki í þetta skiptið. Bíð eftir Gógó á DVD svo ég geti séð hana :)
Hlakka til að koma í heimsókn þegar við kíkjum næst á klakann!
Den sode pige
Eg er sko alltaf ad lesa!
Ég líka!
kvitt kvitt
Edda
Kvitt frá mér líka, er tryggur lesandi :)
ég les líka reglulega en er alveg ferlega léleg ad kvitta. Gódar kvedjur til ykkar allra. Kram Lóla
ég les líka reglulega en er alveg ferlega léleg ad kvitta. Gódar kvedjur til ykkar allra. Kram Lóla
Gott að heyra að allt gengur vel - vonandi hafa allir það gott í stórfjölskyldunni. Söknum þess að hafa ykkur ekki hérna við hliðina á okkur, en þá er gott að geta lesið bloggið þitt - þá ertu ekki svo langt i burtu. Knús á ykkur öll, Aníta og co
Takk fyrir skrifin elskan. Þetta var ljúf og góð lesning sem endranær :)
Ég bíð alltaf spennt eftir nýjum pisli frá þér sæta mín. Einlagir, sætir, ljóðrænir, skemmtilegir, umhugsunarverðir og töff. Þetta eru pislarnir þínir. Hluti af lífinu:)
Takk fyrir pislana, hlakka til að lesa þann næsta.
p.s. myndirnar, ekki má gleyma þeim, þær eru yndislegar:)
Takk fyrir mig:)
Kvitt kvitt mín kæra. Kíki alltaf reglulega hingað, þú ert amk miklu duglegri en ég að blogga. Vel skrifað blogg sem endranær og fallegar myndir.
Sakna þín mín kæra.
Kv, Fannsla
Hei, ég kíki hérna annað veifið. Gott að fá fréttir úr bænum svona einusinni í mánuði.
Kvitti kvitt
Elska þessar myndir af ykkur öllum:)
Kv, Fanney
Fallegar myndir og sæt lesning eins og alltaf mín kæra en ég held ég hefði dáið ef ég hefði ekki fengið ora grænar..:O/... Takk fyrir kíkkið reglulega á mína síðu.
takk takk, falleg skrif kæra Brynja
Post a Comment