Jag mår så himla bra. Tékkið á þessu. Það er gjarnan um þetta leyti árs eftir áramótaloforð um bætt líferni sem fólk gefst upp. Það léttist ekki um þessi kg sem áætlað var á viku eða mánuði, það bætir ekki á sig vöðvamassa svo sýnilegt sé á stuttum tíma. Það horfir um of á spegilmyndina, gleymir að hugsa um það sem gerist innra og dekrið við hjartað, kropp og huga verður tímabundið. Fólk hugsanlega fellur æ oftar í freistni (af því það er búið að vera svo duglegt) og fær sér meira en það þarf á diskinn sinn, eða bakarís og aðrar afurðir sneisafullar af transfitu og viðbættum sykri eru boðnar velkomnar á ný. Hreyfingunni er skipt út fyrir blunda og sjónvarpsgláp. Og hugsanlega verður lífernið verra þegar upp er staðið.
Það er gott að borða, góður matur þarf ekki að vera óhollur og hreyfinguna er hægt að fá í ýmsum öðrum myndum en íklæðast þröngum samfestingi með ennisband og hrópa vííí. Hugið að því elskuleg, þegar þið eruð orkulaus og full af febrúarsleni, skreppið í göngutúr, sund, ræktina eða lagið til í geymslunni. Gerið ykkur fiskisúpu með grænmeti og kókosmjólk.
Hér verður slík súpa á borðum í kvöld. Ég á enga uppskrift en innihaldið verður á þessa leið:
Þorskur
Rækjur
Laukur
Hvítlaukur
Brokkolí´
Sætar kartöflur
Saxaður chili og engifer
Grænmetissoð
Kókosmjólk
Sem sé það grænmeti sem er til í ísskápnum, saxað og svissað í msk af olíu, soðið hellt út í og soðið í 10 mín,kryddið eftir smekk, okkur finnst gott að hafa mikið engifer, kókosmjólkinni þeytt út í, hitað og svo fiskurinn útí síðustu 2-3 mínúturnar.
Amminamminamm og góða holla og ástríka helgi.
Subscribe to:
Post Comments (Atom)
1 comment:
Ó já - góð og holl áminning um það hversu auðvelt er að gleyma sér í að "vera góður við sig í vetrarmyrkrinu". Ég fór á námskeið í gerð grænmetisrétta í gærkvöld, skveraði mér í gamla kuldagallann hennar mömmu og labbaði í bæinn í frostinu, afþakkaði far í upphituðum bíl og andaði að mér súrefni. Fékk dásamlega gott grænmetisbuff, salat og speltbrauð og í eftirmat var súkkulaðikaka án glútens og sykurs. Prófuðum hrísrjóma með sem var bara fínn. Labbaði svo heim með fullan maga af hollum og góðum mat og tvö lítil buff í poka sem ég gaf heimilisfólkinu að smakka. Hlakka til að halda áfram að prófa mig áfram í grænmetisréttum og sykurlitlum/lausum mat og býð þér að smakka í mars :)
Efast ekki um að fiskisúpan verður góð fyrir sál og líkama. Luvs, Ingveldur.
Post a Comment