Hann blés fyrst blíðlega aftan á háls hennar og hún fann hroll fara um sig, kitlandi og notalegan þrátt fyrir kuldann. Hann sleikti hana létt, hratt, ófeiminn og tók óvænta hringi hér og þar og andvörp þeirra urðu ákafari. Krafturinn ágerðist og stjórnleysið var um það bil að ná yfirhöndinni. þá gerðist það, ský dró frá sólu og hugar þeirra beggja vissu að þetta var búið. Hitinn bræddi hjörtun og skafrenningurinn leystist upp í algleymi, eftir lá jörðin einmanna, ófullnægð en með undarlegan fiðring í maganum sem sagði henni að þetta yrði allt í lagi, hún fengi sitt með öðrum hætti.
Þessi færsla var til þín Tobba, þær eru öðruvísi veðurfarslýsingarnar dagsins í dag miðað við dagbókafærslur afa okkar....kannski á þessa leið:
7:00 Skafrenningur, jörð hvít, hitastig mínus 4 gráður
8:30 Skafrenningur, hálkublettir, hitastig mínus 2 gráður
9:30 Sól, jörð auð hitastig mínus 1 gráða
10:00 Barn fæddist hér í dag
11:00 Sól, suðaustan, hitastig plús 4 gráður
skip to main |
skip to sidebar
Um mig
- brynjalilla
- Ég er fædd 18. júní 1971. Ég bý á Akureyri, Íslandi ásamt eiginmanninum og börnunum okkar.
6 comments:
og svo lagðist hún á bæn, grátbað um bara eina stutta stund með Honum aftur, hún lokaði augunum svo fast að hana verkjaði, og svo fann hún goluna, sem magnaðist upp í hvassviðri jafnvel ofsaveðri og hún fór út, berfætt, reyndi að opna augun, en þau vildu það ekki svo mikill var hann, nístist inn að hverju beini hennar, hún skalf af gleði og vissi að hún hefði fengið sitt,
Veðurskeiti Líma erum að glíma
Takk elskan, Brynjan mín
undarlegar þessar kynferðislegu verðulýsingar og í þessi hætti snjórinn og sólskinið kom, þetta er svona sem Guð talar til okkar, og hann er bara að venja þig og mig við hið íslenska veðurfar.
tobba ég kemst því miður ekki í tangó, er að fara að hitta leiðbeinandann á morgun og þarf að undirbúa mig
Aldrei má maður eiga neitt í friði, nú hef ég komist að því að aðal brandari minn til margra ára sé ekki veðurskeiti Líma, eins og ég hélt heldur eitthvað déskotans skip, sem hét Líma og allir voru að glíma, Sveinbi missti sig úr hlátri,
Veðurskip Líma erum að glíma!
elska þig nú samt
Brynjan mín
og já hahaha þetta er góður dagur til íslenskrar aðlögunnar, ég var úti að drekka teið mitt og láta sólina skína á mig, var nýfarinn inn þegar hann var farinn að sleikja jörðina enn á ný, furðuleg ragnarrök í lofti
hahahahahaha....LOL..:=)
snillingar á ferð dömur.
Post a Comment