Þokuslæðingur og myglulegur á glettingi. Fór í hádegisjóga í dag með Tobbunni og Nönnunni, yndislegur klukkutími, fullur af stundarfriði, hvítum lit og hjartaró. Fengum okkur svo stöllurnar besta falefelið á Skáni, röltum um bæinn en létum búðirnar vera enda engin þörf að kaupa sér ánægju í poka eftir jógað. Ég sótti svo börnin snemma þessar elskur sem hafa þurft að vera á "fritids" til fimm alla daga meðan á námslotunni hjá mér stóð. Erum búin að eiga svo friðsælan föstudag, kveiktum á kertum, bökuðum kladdköku sem verður étin þegar eiginmaðurinn kemur úr vinnunni og erum bara að hanga, "næs" eins og unglingurinn á heimilinu segir.
Góða helgi og skellið í eina kladdköku
2 egg
1 dl sykur
1/2 dl síróp (eða bara sykur)
1 1/2 dl hveiti
1-2 tappar vanilludropar
70 gr brætt smjörlíki
3 msk kakó
1 tsk lyftiduft (má sleppa)
Ponsu salt
Skellið öllu saman, setjið í smurt form og bakið í 15-20 mín,150°
Ég brytja alltaf slatta af dökku og hvítu súkkulaði yfir en það er alls ekki nauðsynlegt nema fyrir súkkulaðifíkla!
Subscribe to:
Post Comments (Atom)
7 comments:
Yyyyyyndislegur dagur. Það er best að vera með þér Brynja. ;*
Namm kladdkaka....ein af góðu minningunum frá Svíþjóð...kram Fanney Magnúsar
jamm
kvitt
Systa
væri til í svona kökubita með vel af súkkulaði - ég er í súkkulaðifíklahópnum:)
Of langt á milli okkar.
Hæ elsku Brynja en gaman að lesa bloggið þitt ;) ætla að prófa súkkulaðikökuuppskriftina með slatta af súkkulaðismjeri... um ég elska súkkulaði allt of mikið ;)
risaknús
inga
Þokuslæðingur og myglulegur á glettingi.....ekkert smá íslensk setning. Kakan hljómar afar vel :)
Er líka í súkkulaði hópinum.
Ást að eilífu :)
Post a Comment